Fljótavík
Að Látrum í Aðalvík
Frá tjaldstæðinu á Atlastöðum liggur leiðin upp með Atlastaðaós og hann vaðinn. Leiðin liggur svo að Tungu. Frá tjaldstæðinu á Glúmsstöðum liggur leiðin meðfram Fljótsvatni vestanverðu að Tungu.
![Horft að Tungu. Tunguhorn, Tungudalur, og Nónfell.](/s_files/images/5/82/l_image5970ef2a5a61f.jpg)
Frá Tungu er haldið upp með Nónfelli upp á Tunguheiði og yfir hana.
![Tunguheiði](/s_files/images/5/82/l_image5970ef2ad73bd.jpg)
Niðurleiðin liggur um Grafarhlíð að vegi sem lagður var fyrir herstöðina á Straumnesfjalli. Eftir veginum er haldið að Látrum.
![Horft yfir Aðalvík](/s_files/images/5/82/l_image5970ef2b7e129.jpg)
Tjaldstæðið á Látrum er við neyðarskýlið.
Í Hlöðuvík
Frá tjaldsæðinu á Atlastöðum er haldið inn með Fljótsvatni að austanverðu. Frá Glúmsstöðum má setja stefnuna á Þorleifsskarð.
Þar sem Reiðá fellur í Fljótsvatn er farið upp í Þorleifsdal.
![Horft upp í Þorleifsdal](/s_files/images/5/82/l_image5971deea3184a.jpg)
Þegar upp í Þorleifsdal má finna stikur sem leiða ferðamanninn áfram upp í Þorleifsskarð.
![Horft yfir Þorleifsdal](/s_files/images/5/82/l_image5971deec80d16.jpg)
Frá skarðinu tapast nokkur hæð en gönguleiðin heldur áfram undir Bergþóruskarð og Kjöl að Almenningaskarði sem haldið er yfir og niður í Kjaransvík.
![Horft að Almenningaskarði](/s_files/images/5/82/l_image5971deedf1a5f.jpg)
Fara þarf yfir Kjalará og Kjaransvíkurá og fyrir Álfsfell. Þegar fyrir Álfsfellið er komið er stutt á tjaldstæðið við Hlöðuvíkurós.