Loading...

Fréttir frá Átthagafélaginu

Ný stjórn Átthagafélags Sléttuhrepps á Ísafirði

Á aðalfundi Átthagafélags Sléttuhrepps á Ísafirði var kjörin ný stjórn. Nýr formaður er Jóna Benediktsdóttir. Aðrir í stjórn eru Jósef Vernharðsson, Einar Hreinsson, Jón Heimir hreinsson og Bergsteinn Gunnarsson. Varamenn eru Halldór Antonsson og Helga Rebekka Stígsdóttir.

Nánar ›

Messa og messukaffi í Áskirkju

Hin árlega messa Átthagafélagsins verður í Áskirkju á mæðradaginn, sunnudaginn 14. maí n.k. kl. 14:00 og kaffi í safnaðarheimilinu á eftir. Þar ætlum við að eiga notalega stund saman í kirkjunni og í safnaðarheimilinu á eftir messu.

Fjölmennum og tökum með okkur gesti.

Ræðumaður verður Einar K. Guðfinnsson fyrrum forseti Alþingis.

Nánar ›

Þorrablót Átthagafélags Sléttuhrepps í Reykjavík 2017

Hið árlega þorrablót Átthagafélags Sléttuhrepps í Reykjavík verður haldið laugardaginn 28. janúar í veislusalnum Turninum á 7. hæð í verslunarmiðstöðinni Firði, Fjarðargötu 13-15 í Hafnarfirði

Nánar ›

Messuferð og ball í Aðalvík 25. júní

Átthagafélög Sléttuhrepps í Reykjavík og á Ísafirði að standa fyrir messuferð að Stað í Aðalvík, laugardaginn 25. júní n.k. Undanfarin sumur hefur mikil vinna verið lögð í að lagfæra kirkjuna og er hún nú orðin hin glæsilegasta. Athöfnin hefst kl. 14:00. 

 
Að messu lokinni verður kirkjugestum boðið í kaffi á prestssetrinu. Um kvöldið verður svo dansað og sungið í gamla skólanum og hefst fjörið um kl. 20. 
 
Ferðir verða frá Ísafirði á laugardeginum, kl. 9:00 og til baka frá Sæbóli kl. 23:30. 
 
Boðið verður upp á ferð frá Látrum á laugardagsmorgni og til baka um kvöldið, áður en báturinn fer til Ísafjarðar.
 
Einnig verður boðið upp á ferð til Ísafjarðar frá Sæbóli sunnudaginn 26. júní með báti sem fer frá Sæbóli kl. 19, ef a.m.k. 12 bóka sig.
 
Verð:
Látrar - Sæból
  • 4.000 kr. önnur leið.
 
Fargjald 25. og 26. júní:
  •  13 ár og eldri: 8.910 önnur leið.
  •  6-12 ára fá 50% afslátt.
  • Yngri en 6 ára borga ekki.
 
 
Mikilvægt er að fólk bóki ferðir sem fyrst hjá Vesturferðum í síma 456-5111, sérstaklega þeir sem ætla sér að nýta ferðina á sunnudeginum.

Einnig er mikilvægt að þeir sem ætla sér að nýta flutning á milli Látra og Sæbóls láti vita hjá Vesturferðum.
 

Áætlunarferðir til og frá Aðalvík eru þriðjudaga, fimmtudaga, laugardaga og sunnudaga frá Ísafirði. Nánari upplýsingar um áætlunarferðir veita Vesturferðir, sími 456-5111