Leynist hjá þér eða þínum gamalt myndefni úr Sléttuhreppi?

• Átthagafélag Sléttuhrepps í Reykjavík
• 10.03.2011

Átthagafélag Sléttuhrepps í Reykjavík óskar eftir að fá gamlar videó-upptökur frá Sléttuhreppi. Ekki skiptir máli hvort hljóð sé á upptökunni eða ekki. Þeir sem eiga gamlar videó-uppökur eru beðnir um að setja sig í samband við stjórn félagsins, netfang: reykjavik@slettuhreppur.is.

Ef efnið er áhugavert mun Átthagafélagið semja við Myndbandavinnsluna um afritun þess á stafrænt formi. Átthagafélagið eða eigandi efnis fer þá með filmuna í Myndbandavinnsluna sem tekur afrit af henni á DV-master spólu og DVD diska. Átthagafélagið mun halda eftir DV-master spólunni og DVD disk, en eigandi filmunnar fær hana til baka og 1 DVD disk með efninu á filmunni.

Átthagafélagið mun greiða þann kostnað sem þessu fylgir.

Markmið Átthagafélagsins er að safna saman efni til varðveislu úr hinum forna Sléttuhreppi og ef nægt efni fæst gefa út DVD-safndisk með því sem markverðast er.

Þorrablót Átthagafélagana

• Átthagafélag Sléttuhrepps
• 21.02.2011

[mynd 3 h]Þorrablót Átthagafélaga Sléttuhrepps voru haldin í febrúar, í Reykjavík þann fimmta og á Ísafirði þann nítjánda. Góð mæting var á þorrablótin, 150-170 manns mættu á hvort þorrablót. Mikið fjör var og Sléttuhreppingar skemmtu sér vel.  

Nánar ›

Þorrablót Átthagafélags Sléttuhrepps á Ísafirði

• Átthagafélag Sléttuhrepps á Ísafirði
• 02.02.2011

Þorrablót Sléttuhreppinga verður haldið laugardaginn, 19. febrúar í  Félagsheimilinu í Hnífsdal.

Nánar ›

Þorrablót Átthagafélags Sléttuhrepps í Reykjavík

• Átthagafélag Sléttuhrepps í Reykjavík
• 21.01.2011

Hið árlega þorrablót Átthagafélags Sléttuhrepps verður haldið laugardaginn 5. febrúar 2011 í sal Þróttara í Laugardal.

Nánar ›

Aðalvík - myndir frá Aðalvík (DVD diskur)

• Átthagafélag Sléttuhrepps
• 21.01.2011

Guðbergur Davíðsson gaf út fyrir um 15 árum myndbönd með myndum frá Aðalvík. Guðbergur endurútgaf myndböndin fyrir nokkrum árum á DVD disk sem Átthagafélagið býður nú til sölu. Verðið er 2.500 kr. og rennur ágóðinn í kirkjusjóð átthagafélagana. Kirkjusjóðurinn fjármagnar m.a. viðhald á Staðarkirkju, prestbústaðnum og viðhaldi kirkjugarðsins.

Nánar ›

Aðalfundur Átthagafélags Sléttuhrepps í Reykjavík 16. janúar 2011, klukkan 16:00

• Átthagafélag Sléttuhrepps í Reykjavík
• 29.12.2010

Aðalfundur Átthagafélags Sléttuhrepps í Reykjavík verður haldinn sunndaginn 16. janúar 2011, klukkan 16:00 í Brautarholti 4A, 2. hæð. Venjuleg aðalfundarstörf. Kynning á Landeigendafélagi Sléttu- og Grunnavíkurhrepps. Myndsýning frá kirkjuviðgerðum og kirkjuferð. Kaffiveitingar.

Félagsmenn eru hvattir til að mæta.

Nánar ›

Aðalfundur Átthagafélags Sléttuhrepps á Ísafirði 7. nóvember 2010

• Átthagafélag Sléttuhrepps á Ísafirði
• 02.11.2010

Aðalfundur Átthagafélags Sléttuhrepps á Ísafirði verður haldinn í Sigurðarbúð, sunnudaginn 7. nóvember 2010, kl. 15:00.

Venjuleg aðalfundarstörf.

Kaffi veitingar.

Stjórnin

Afmælisfagnaður Átthagafélags Sléttuhrepps í Reykjavík

• Átthagafélag Sléttuhrepps í Reykjavík
• 17.10.2010

[mynd 4 h]Átthagafélag Sléttuhrepps í Reykjavík hélt afmælisfagnað 15. október 2010 í tilefni 60 ára afmælis félagsins. Fleiri myndir ef smellt er á fyrirsögn eða „meira“.

Nánar ›

Afmælisfagnaður Átthagafélags Sléttuhrepps í Reykjavík

• Átthagafélag Sléttuhrepps í Reykjavík
• 09.10.2010

Föstudaginn 15. október 2010 ætlar Átthagafélag Sléttuhrepps að standa fyrir afmælisfagnaði í tilefni 60 ára afmæli félagsins í sal Ferðafélags Íslands að Mörkinni 6 í Reykjavík. Nánar ›

Vel heppnuð messuferð

• Átthagafélag Sléttuhrepps
• 18.07.2010

Átthagafélag Sléttuhrepps á Ísafirði og í Reykjavík stóðu fyrir messuferð í Staðarkirkju í Aðalvík 17. júlí 2010. Var margmenni í messunni, 129 skrifuðu sig í gestabókina í prestsetrinu. Séra Agnes M. Sigurðardóttir prestur í Bolungarvík messaði og henni til aðstoðar var séra Hulda Hrönn Helgadóttir prestur í Hrísey. Að lokinni messu fóru kirkjugestir í prestsetrið þar sem boðið var upp á kaffi og kökur. Um kvöldið var brenna í fjörunni við skólann og ball í skólanum á eftir.

Félaginu hafði borist að gjöf 50 númeraðar könnur með mynd af kirkjunni. Var það Merkt ehf. sem gaf svona rausnarlega. Könnurnar voru seldar á ballinu og rann ágóðinn í kirkjusjóð Átthagafélagana. Könnur númer 1 og 50 voru boðnar upp sérstaklega.