Loading...

Fréttir frá Átthagafélaginu

Messukaffi aflýst

Stjórn Átthagafélags Sléttuhrepps í Reykjavík hefur ákveðið í samráði við Áskirkju að aflýsa messu og messukaffi Átthagafélagsins sem átti að halda 17. maí. Er það gert vegna þess að þeirra takmarkana sem eru í gildi vegna COVID-19 faraldursins.

Í haust er ráðgert að efna til afmælishátíðar og verður hún auglýst betur síðar.

Messuferð í Aðalvík 2019

Átthagafélög Sléttuhrepps standa fyrir messuferð í Aðalvík laugardaginn 29. júní 2019. Messað verður í Staðarkirkju kl. 14 og er boðið upp á kaffi í prestsetrinu að messu lokinni. Slegið verður upp balli í skólanum um kvöldið.

Prestur verður séra Magnús Erlingsson og organisti Sunna Karen Einarsdóttir.

Bátur með prestinn fer frá Ísafirði um kl. 9 með prestinn og eru örfá sæti laus. Báturinn fer til Ísafjarðar að loknu balli um kl. 22:30. Boðið verður upp á ferðir til og frá Látrum ef áhugi er á. Að öðru leiti er bent á að áætlanaferðir eru frá Ísafirði á fimmtudögum kl. 16:00 og frá Aðalvík á sunnudögum kl. 16:00.

Nánari upplýsingar má fá í tölvupósti reykjavik@slettuhreppur.is

Messa og messukaffi Áskirkju 12. maí 2019

Hin árlega messa Átthagafélagsins verður í Áskirkju, sunnudaginn 12. maí n.k. kl. 14:00 og kaffi í safnaðarheimilinu á eftir. Þar ætlum við að eiga notalega stund saman í kirkjunni og í safnaðarheimilinu á eftir messu.

Fjölmennum og tökum með okkur gesti. Vinsamlegast látið þetta fréttast meðal félagsmanna og ættingja.

Ræðumaður verður Sveinn Þráinn Jóhannesson frá Bólinu, Sæbóli í Aðalvík.

Kaffið kostar 1.500 kr. á mann. Vinsamlegast greiðið með reiðufé eða hafið kvittun úr heimabanka
Reikningur: 0116-26- 003591, kennitala: 480182-0149.

Þorrablót Átthagafélags Sléttuhrepps í Reykjavík 2019

Hið árlega þorrablót Átthagafélags Sléttuhrepps í Reykjavík verður haldið laugardaginn 2. febrúar í veislusalnum Turninum á 7. hæð í verslunarmiðstöðinni Firði, Fjarðargötu 13-15 í Hafnarfirði.

Veislustjóri verður Soffía Vagnsdóttir, Sigíður Þorgrímsdóttir, dóttir Jakobínu Sigurðardóttur, verður ræðumaður, Sigrún Valgarðsdóttir flytur minni karla og Sveinn Þ. Jóhannesson minni kvenna.
 
Vinsamlegast tilkynnið þátttöku til stjórnar í tölvupósti, netfang reykjavik@slettuhreppur.is, fyrir mánudaginn 28. janúar.

Verðið er kr. 8.000 á manninn. Best er að borga miðann með því að leggja inn á reikning félagsins: 0116-26-003591, kt. 480182-0149 og setja Þorrablót 2019 í skýringu.

Nánar ›

Aðalfundur Átthagafélags Sléttuhrepps í Reykjavík 20. janúar 2019

Aðalfundur félagsins verður haldinn sunnudaginn 20. janúar 2019, klukkan 15:00 í sal
Samiðnar, Borgartúni 30, 6 hæð.

Á dagskrá verða venjuleg aðalfundarstörf:

  1. Skýrsla stjórnar.
  2.  Endurskoðaðir reikningar félagsins lagðir fram til samþykkis.
  3. Kosning formanns.
  4. Kosning gjaldkera, ritara og 3 meðstjórnenda.
  5. Kosning 2 skoðunarmanna reikninga.
  6. Ákvörðun tekin um árgjald félagsins.
  7. Önnur mál.

Félagsmenn eru hvattir til að mæta á aðalfundinn. Boðið verður upp á kaffiveitingar. 

Messukaffi 2018

Hin árlega messa Átthagafélagsins verður í Áskirkju, sunnudaginn 29. apríl n.k. kl. 14:00 og kaffi í safnaðarheimilinu á eftir. Þar ætlum við að eiga notalega stund saman í kirkjunni og í safnaðarheimilinu á eftir messu.

Fjölmennum og tökum með okkur gesti. Vinsamlegast látið þetta fréttast meðal félagsmanna og ættingja.

Ræðumaður verður Ingvi Stígsson frá Horni í Hornvík.

Kaffið kostar 1.500 kr. á mann. Vinsamlegast greiðið með reiðufé eða hafið kvittun úr heimabanka
Reikningur: 0116-26- 003591, kennitala: 480182-0149.

Þorrablót Átthagafélags Sléttuhrepps í Reykjavík 2018

Hið árlega þorrablót Átthagafélags Sléttuhrepps í Reykjavík verður haldið laugardaginn 17. febrúar í veislusalnum Turninum á 7. hæð í verslunarmiðstöðinni Firði, Fjarðargötu 13-15 í Hafnarfirði.

Nánar ›

Ný stjórn Átthagafélags Sléttuhrepps á Ísafirði

Á aðalfundi Átthagafélags Sléttuhrepps á Ísafirði var kjörin ný stjórn. Nýr formaður er Jóna Benediktsdóttir. Aðrir í stjórn eru Jósef Vernharðsson, Einar Hreinsson, Jón Heimir hreinsson og Bergsteinn Gunnarsson. Varamenn eru Halldór Antonsson og Helga Rebekka Stígsdóttir.

Nánar ›