Loading...

Fréttir frá Átthagafélaginu

Messa og kirkjukaffi í Áskirkju 15. maí 2011

Hin árlega messa og kirkjukaffi Átthagafélags Sléttuhrepps í Reykjavík fór fram í Áskirkju sunnudaginn 15. maí 2011. Um 110 gestir komu í messuna og kirkjukaffið. Áttu Slétthreppingar ánægjulega stund saman með sveitungum sínum.

Nánar ›

Messa og kirkjukaffi í Áskirkju 15. maí 2011

Hin árlega messa Átthagafélagsin Sléttuhrepps í Reykjavík verður í Áskirkju sunnudaginn 15. maí n.k. kl. 14:00 og kaffi í safnaðarheimilinu á eftir. Þar ætlum við að eiga notalega stund saman í kirkjunni og í safnaðarheimilinu á eftir messu.

Kaffið kostar 1.000 kr. á mann. Vinsamlegast greiðið með reiðufé eða hafið kvittun úr heimabanka 0116-26-003591, kt. 480182-0149.

Fjölmennum og tökum með okkur gesti. Vinsamlegast látið þetta fréttast meðal félagsmanna og ættingja.

Ræðumaður verður Brynjólfur Sigurðsson frá Sléttu.

Kirkjugarðurinn á Stað í Aðalvík

Átthagafélögin hafa sett á stað hóp sem hefur það verkefni að hlúa að kirkjugarðinu við Staðarkirkju í Aðalvík. Áætlað er að vinna við garðinn taki næstu 2-4 sumur. Fyrsta vinnuferðin verður farin í sumar. Vinna og umhirða kirkjugarðsins verður í nánu samráði við sr. Agnesi Sigurðardóttur, prófast í Bolungarvík og Guðmund Rafn Sigurðsson, framkvæmdarstjóra Kirkjugarðaráðs. 

Nánar ›

Vinnuferð í prestbústaðinn

Bygginganefnd Átthagafélagana stefnir að vinnuferð í sumar. Fyrirhugað er að sinna viðhaldi á prestbústaðnum. Vinnuferðin verður farin 10. júní og lýkur 15. júní. Félögin leggja til mat og ferðir til og frá Aðalvík.

Leynist hjá þér eða þínum gamalt myndefni úr Sléttuhreppi?

Átthagafélag Sléttuhrepps í Reykjavík óskar eftir að fá gamlar videó-upptökur frá Sléttuhreppi. Ekki skiptir máli hvort hljóð sé á upptökunni eða ekki. Þeir sem eiga gamlar videó-uppökur eru beðnir um að setja sig í samband við stjórn félagsins, netfang: reykjavik@slettuhreppur.is.

Ef efnið er áhugavert mun Átthagafélagið semja við Myndbandavinnsluna um afritun þess á stafrænt formi. Átthagafélagið eða eigandi efnis fer þá með filmuna í Myndbandavinnsluna sem tekur afrit af henni á DV-master spólu og DVD diska. Átthagafélagið mun halda eftir DV-master spólunni og DVD disk, en eigandi filmunnar fær hana til baka og 1 DVD disk með efninu á filmunni.

Átthagafélagið mun greiða þann kostnað sem þessu fylgir.

Markmið Átthagafélagsins er að safna saman efni til varðveislu úr hinum forna Sléttuhreppi og ef nægt efni fæst gefa út DVD-safndisk með því sem markverðast er.

Þorrablót Átthagafélagana

[mynd 3 h]Þorrablót Átthagafélaga Sléttuhrepps voru haldin í febrúar, í Reykjavík þann fimmta og á Ísafirði þann nítjánda. Góð mæting var á þorrablótin, 150-170 manns mættu á hvort þorrablót. Mikið fjör var og Sléttuhreppingar skemmtu sér vel.  

Nánar ›

Aðalvík - myndir frá Aðalvík (DVD diskur)

Guðbergur Davíðsson gaf út fyrir um 15 árum myndbönd með myndum frá Aðalvík. Guðbergur endurútgaf myndböndin fyrir nokkrum árum á DVD disk sem Átthagafélagið býður nú til sölu. Verðið er 2.500 kr. og rennur ágóðinn í kirkjusjóð átthagafélagana. Kirkjusjóðurinn fjármagnar m.a. viðhald á Staðarkirkju, prestbústaðnum og viðhaldi kirkjugarðsins.

Nánar ›

Aðalfundur Átthagafélags Sléttuhrepps í Reykjavík 16. janúar 2011, klukkan 16:00

Aðalfundur Átthagafélags Sléttuhrepps í Reykjavík verður haldinn sunndaginn 16. janúar 2011, klukkan 16:00 í Brautarholti 4A, 2. hæð. Venjuleg aðalfundarstörf. Kynning á Landeigendafélagi Sléttu- og Grunnavíkurhrepps. Myndsýning frá kirkjuviðgerðum og kirkjuferð. Kaffiveitingar.

Félagsmenn eru hvattir til að mæta.

Nánar ›