Friðlandið á Hornströndum - Tilmæli til ferðaþjónustuaðila

• Landeigendafélag Sléttu- og Grunnavíkurhrepps
• 07.06.2017

Umhverfisstofnun hefur sent tilmæli til ferðaþjónustuaðila um að takmarka ágang innan friðlandins að vori, hausti og eftir langvarandi votviðri.

Almenn tilmæli sem ná yfir allt friðlandið fela í sér að ekki sé farið með fjölmennari hópa en 20 einstaklinga á viðkvæmustu tímunum, að göngustafir séu notaðir í hófi og farið sé eftir viðmiðunarreglum um refaskoðun. 

Sértæk tilmæli ná yfir Miðfell í Hornvík, en þar skal ekki fara með fjölmennari hópa en 10 einstaklinga.

Tilmælin verða endurskoðuð eftir því sem tilefni gefur til.

Viðmiðunarreglur um refaskoðun

• Landeigendafélag Sléttu- og Grunnavíkurhrepps
• 16.05.2017

Náttúrúfræðistofnun Íslands, Umhverfisstofnun Íslands og Melarakkasetur Íslands hafa gefið út viðmiðunarreglur um refaskoðun. Í megindráttum er mælst til þess að ekki sé farið nær ref eða greni en 40 metra og ekki dvalið lengur við en 20 mínútur í senn.

Aðalfundur Landeigendafélags Sléttu- og Grunnavíkurhrepps 2017

• 08.05.2017

Aðalfundur Landeigendafélags Sléttu- og Grunnavíkurhrepps verður haldinn fimmtudaginn 18. maí kl. 17.00 á 6. hæð í Borgartúni 30 í Reykjavík, húsnæði Samiðnar. Dagskrá er skv. lögum félagsins.

Vegna fyrirætlana um fiskeldi í Jökulfjörðum

• Landeigendafélag Sléttu- og Grunnavíkurhrepps
• 20.07.2016

Samþykkt á aðalfundi Landeigendafélags Sléttu- og Grunnavíkurhrepps 24. maí 2016:

„LSG skorar á sjávarútvegs- og landbúnaðaráðherra að sjá til þess að óheimilt verði að stunda fiskeldi

í Jökulfjörðum og Hornstrandafriðlandi.“

Ársskýrsla Landeigendafélags Sléttu- og Grunnavíkurhrepps 2015-2016

• Landeigendafélag Sléttu- og Grunnavíkurhrepps
• 10.06.2016

Ársskýrsla Landeigendafélags Sléttu- og Grunnavíkurhrepps 2015-2016.

Aðalfundur Landeigendafélags Sléttu- og Grunnavíkurhrepps 2016

• Landeigendafélag Sléttu- og Grunnavíkurhrepps
• 10.05.2016

Aðalfundur Landeigendafélags Sléttu- og Grunnavíkurhrepps verður haldinn þriðjudaginn 24. maí kl. 17.00 á 6. hæð Borgartúni 30, Reykjavík, húsnæði Samiðnar. Dagskrá er skv. lögum félagsins. 

Að loknum venjubundnum aðalfundarstörfum mun Jón Smári Jónsson, umsjónarmaður Hornstrandafriðlands og formaður Hornstrandanefndar ræða málefni friðlandsins og svara spurningum fundarmanna.

Leyfi Umhverfisstofnunar þarf fyrir ferðir vélsleða í Hornstrandafriðlandi

• Landeigendafélag Sléttu- og Grunnavíkurhrepps
• 02.05.2016

Af gefnu tilefni vilja Lögreglustjórinn á Vestfjörðum og Umhverfisstofnun vekja athygli á að umferð vélknúinna farartækja utan vega og merktra slóða er bönnuð innan friðlandsins á Hornströndum, nema leyfi Umhverfisstofnunar komi til, samkvæmt 2. gr. auglýsingar nr. 332/1985, um friðland á Hornströndum.

Eigendur smáhýsa að Látrum í Aðalvík

• Landeigendafélag Sléttu- og Grunnavíkurhrepps
• 09.07.2015

Ísafjarðarbær kallar eftir því að þeir sem gera tilkall til smáhýsa sem nýlega voru reist að Látrum í Aðalvík gefi sig fram við Ísafjarðarbæ 1. september nk. og geri grein fyrir framkvæmdunum. Eftir þann tíma áskilur sveitarfélagið sér rétt til aðgerða.

Málþing í tilefni 40 ára afmælis friðlýsingar friðlandsins á Hornströndum

• Landeigendafélag Sléttu- og Grunnavíkurhrepps
• 09.06.2015

Hreinsunarátak á Hornströndum 2015

• Landeigendafélag Sléttu- og Grunnavíkurhrepps
• 21.04.2015

Gert verður hreinsunarátak á Hornströndum laugardaginn 23. maí. Svipað átak var gert snemma sumars í fyrra og þótti takast með eindæmum vel. Aragrúi af plastrusli sem lent hefur í sjónum endar á þessum slóðum og er talsvert verk að vinna. Í fyrra var hreinsað í Hlöðuvík og Kjaransvík, en að þessu sinni verður farið fyrir Horn og hreinsað í Látravík við Hornbjargsvita og eins langt suður eftir og mannskapur og tími leyfa (Hrollaugsvík, Smiðjuvík, Barðsvík, Bolungarvík).