Loading...

Frestur til að senda ábendingar vegna stjórnunar- og verndaráætlunar rennur út 17. júlí

Undanfarið hafa fulltrúar Umhverfisstofnar, landeigenda og sveitafélags unnið að gerð stjórnunar- og verndaráætlunar fyrir friðlandið á Hornströndum. Drög að áætluninni hafa legið fram til kynningar síðustu vikur.

Frestur til að skila inn athugasemdum og ábendingum er til 17. júlí nk. Hægt er að skila inn athugasemdum á heimasíðu stofnunarinnar, með tölvupósti á netfangið ust@ust.is eða með því að senda póst til Umhverfisstofnunar, Suðurlandsbraut 24, 108 Reykjavík. Nánari upplýsingar veitir Þórdís Björt Sigþórsdóttir, thordis.sigthorsdottir@umhverfisstofnun.is eða Kristín Ósk Jónasdóttir, kristin.jonasdottir@umhverfisstofnun.is eða í síma 591-2000.

Í nóvember voru haldnir opnir fundir á Ísafirði og fundur með landeigendum í Reykjavík um stjórnunar- og verndaráætlun. Samantekt frá samráðsfundum.

Nánar ›

Sléttu- og Grunnavíkurhreppur í Vestfjarðarriti VI

Björgvin Bjarnason óskar eftir myndum af bæjum og bæjarstæðum og aðstoð við skrif um hreppana. Meðfylgjandi er erindi Björgvins:

Ágætu Sléttuhreppingar og Grunnvíkingar

Undirritaður hefur tekið að sér fyrir Búnaðarsamband Vestfjarða að hafa umsjón með útgáfu Vestfjarðarits VI sem á að ná yfir Norður-Ísafjarðarsýslu. Áformað er að bókin verði með svipuðu sniði og bækurnar um Vestur-Ísafjarðarsýslu og Austur- og Vestur-Barðastrandasýslur. Í upphafi almennur kafli um sýsluna í heild en síðan sér kafli um hvern hinna 9 hreppa sem voru á svæðinu.

Í upphafi kaflans um hvern hrepp verði stutt ágrip um hreppinn ca. 2-5 bls. En síðan verði litmynd, helst nýleg, af hverjum bæ eða bæjarstæði ásamt myndum af síðust ábúendum eða þeim sem lengi hafa búð ef myndir verða tiltækar. Þá veður mjög stutt lýsing á staðsetningu jarðarinnar og síðan yfirlit yfir ábúendur á 20 öldinni.

Mikið af þeim heimildum sem vantar eru tiltækar í Sléttuhreppur áður Aðalvíkursveit.

Það sem undirritaðan vantar eru nýjar eða nýlegar litmyndir af bæjum og bæjarstæðum og aðstoð við yfirferð og/eða skrif um hreppinn og ábúendur.

Með von um að einhver sé fús til aðstoðar sendi ég þetta bréf.

Björgvin Bjarnason
s. 8440179 bb@bolungarvik.is

Opnir fundir vegna kynningar á stjórnunar- og verndaráætlun Hornstrandafriðlands

Haldnir verða opnir fundir vegna kynningar á stjórnunar- og verndaráætlun fyrir Hornstrandir. Þeir sem hafa áhuga á að kynna sér málin betur eru velkomnir.

  • Fimmtudaginn 14. júní klukkan 16:30 á Suðurlandsbraut 24 í Reykjavík – Loftið.
  • Fimmtudaginn 21. júní klukkan 20:30 í Háskólasetrinu á Ísafirði.

Nánari upplýsingar og drög að stjórnunar- og verndaráætlun.

Í nóvember voru haldnir opnir fundir á Ísafirði og fundur með landeigendum í Reykjavík um stjórnunar- og verndaráætlun. Samantekt frá samráðsfundum.

Frestur til að skila inn athugasemdum og ábendingum er til 17. júlí nk. Hægt er að skila inn athugasemdum á heimasíðu stofnunarinnar, með tölvupósti á netfangið ust@ust.is eða með því að senda póst til Umhverfisstofnunar, Suðurlandsbraut 24, 108 Reykjavík. Nánari upplýsingar veitir Þórdís Björt Sigþórsdóttir, thordis.sigthorsdottir@umhverfisstofnun.is eða Kristín Ósk Jónasdóttir, kristin.jonasdottir@umhverfisstofnun.is eða í síma 591-2000.

Upplýsingabæklingur til landeigenda og húsafólks á Hornströndum

Umhverfisstofnun og Landeigendafélagið hafa nú tekið saman upplýsingar er varða friðlandið á Hornströndum, landeigendum til upplýsinga.

Er hér að finna upplýsingar um landvörsluna í sumar, um reglur friðlandsins og ýmsar ábendingar. Er það von okkar að lesendur hafi gagn og gaman af.

Þar sem hér er um tilraun að ræða, tökum við þakklát við ábendingum um efni sem eigi heima í upplýsingapakka sem þessum.

Upplýsingabæklingurinn

Undir „Friðlandið“ er einnig upplýsingasíða um landvörslu 2018.

Stjórnunar- og verndaráætlun í kynningu

Umhverfisstofnun hefur lagt fram til kynningar tillögu að stjórnunar- og verndaráætlun fyrir Hornstrandafriðland.

Nánari upplýsingar og drög að stjórnunar- og verndaráætlun.

Ráðgert er að halda kynningarfundi fyrir landeigendur á tillögunni og ferlinu.

Frestur til að skila inn athugasemdum og ábendingum er til 17. júlí nk. Hægt er að skila inn athugasemdum á heimasíðu stofnunarinnar, með tölvupósti á netfangið ust@ust.is eða með því að senda póst til Umhverfisstofnunar, Suðurlandsbraut 24, 108 Reykjavík. Nánari upplýsingar veitir Þórdís Björt Sigþórsdóttir, thordis.sigthorsdottir@umhverfisstofnun.is eða Kristín Ósk Jónasdóttir, kristin.jonasdottir@umhverfisstofnun.is eða í síma 591-2000.

Aðalfundur Landeigendafélags Sléttu- og Grunnavíkurhrepps 2018


Aðalfundur Landeigendafélags Sléttu- og Grunnavíkurhrepps verður haldinn miðvikudaginn 23. maí kl. 17.00 á 6. hæð í Borgartúni 30 í Reykjavík, húsnæði Samiðnar. Dagskrá er skv. lögum félagsins:

  1. Skýrsla stjórnar.
  2. Lagðir fram endurskoðaðir ársreikningar.
  3. Lagabreytingar
  4. Stjórnarkjör.
  5. Kjör tveggja skoðunarmanna til 2ja ára í senn og tveggja til vara.
  6. Tekin ákvörðun um árgjald til félagsins.
  7. Önnur mál.

Félagsgjöld 2018

Til að spara félaginu kostnað við innheimtu félagsgjalda biðjum við þá sem hafa tök á að greiða félagsgjöldin með millifærslu í heimabanka.

Félagsgjaldið er 1.200 kr. og greiðist inn á reikning nr. 0101-26-591110, kennitala: 5911102840.

Fundir um stjórnunar- og verndaráætlun fyrir Hornstrandafriðland

Opinn fundur um stjórnunar- og verndaráætlun  fyrir friðlandið á Hornströndum verður haldinn miðvikudaginn 15. nóvember klukkan 17:00 - 19:00, í Háskólasetri Vestfjarða á Ísafirði. Jafnframt verður fundur fyrir landeigendur o.fl. haldinn í Reykjavík þann 23. nóvember, kl. 17:00-19:00 í húsnæði Umhverfisstofnunar að Suðurlandsbraut 24.

Markmið fundarins er að upplýsa íbúa, hagsmunaaðila og landeigendur um gerð stjórnunar- og verndaráætlunar fyrir Hornstrandafriðlandið og kalla eftir skoðunum heimamanna um þau málefni sem fjallað verður um í áætluninni.

Landeigendur, hagsmunaaðilar og aðrir þeir sem hafa áhuga á svæðinu eru hvattir til þátttöku í fundunum.

Nánar ›

Stjórnunar- og verndaráætlun

Nú er hafin vinna við stjórnunar- og verndaráætlun fyrir friðlandið á Hornströndum. Gildistími hennar verður 10 ár og með henni fylgir aðgerðaráætlun til 5 ára. Stefnt er að því að stjórnunar- og verndaráætlun verði tilbúin í nóvember 2017.

Nánar ›

Friðlandið á Hornströndum - Tilmæli til ferðaþjónustuaðila

Umhverfisstofnun hefur sent tilmæli til ferðaþjónustuaðila um að takmarka ágang innan friðlandins að vori, hausti og eftir langvarandi votviðri.

Almenn tilmæli sem ná yfir allt friðlandið fela í sér að ekki sé farið með fjölmennari hópa en 20 einstaklinga á viðkvæmustu tímunum, að göngustafir séu notaðir í hófi og farið sé eftir viðmiðunarreglum um refaskoðun. 

Sértæk tilmæli ná yfir Miðfell í Hornvík, en þar skal ekki fara með fjölmennari hópa en 10 einstaklinga.

Tilmælin verða endurskoðuð eftir því sem tilefni gefur til.

Nánar ›