Sigurður Jónsson eigandi og skipstjóri hjá Aurora Arktika sendi m.a. bæjarfulltrúum Ísafjarðarbæjar erindi á dögum og var það rætt í bæjarráði Ísafjarðarbæjar. Umræðuefnið var umferð vélknúinna ökutækja og hugsanleg þyrluferðaþjónusta. Pistill Sigurðar má lesa í meginmáli þessarar greinar.
Nánar ›Aðalfundur Landeigendafélags Sléttu- og Grunnavíkurhrepps haldinn í Borgartúni 37 Reykjavík, 27. maí 2013 samþykkti, í tilefni af 40 ára afmæli félagsins, að gera Þorvarð Jónsson, stofnfélaga og stjórnarmann í félaginu, frá 1973 til 2001 og formanni þess frá 1983 til 2001, að heiðursfélaga. Fundurinn þakkaði Þorvarði fyrir vel unnin störf og tryggð við félagið alla tíð.
Nánar ›Aðalfundur Landeigendafélags Sléttu- og Grunnavíkurhrepps verður haldinn mánudaginn 27. maí kl. 17.00 í Borgartúni 37 Reykjavík, húsnæði Nýherja. Dagskrá er skv. lögum félagsins. Lögð verður fyrir fundinn tillaga til breytingar á lögum félagsins um að í stað þess að tala um endurskoðendur verði talað um skoðunarmenn reikninga.
Nánar ›Frá landverði Hornstrandafriðlands
Ágætu landeigendur, sumarhúsafólk
Af og til sést minkur í friðlandinu, ekki síst í grennd við stöðuvötn. Gott væri að fá upplýsingar um minka, fjölda þeirra, dagsetningu og stað. Eins væri gott að fá upplýsingar um lúpínu í friðlandinu. Minkur er ekki friðaður í friðlandinu líkt og sumir telja. Hann telst til framandi tegunda líkt og lúpínan.
Upplýsingar má senda á Jón Björnsson, netfang jonb@ust.is.
Hornstrandanefnd hélt fund 29. apríl og ræddi m.a. tíðindi úr starfssemi friðlandsins, verkefni komandi sumars, aðstöðu landvarða, erindi um fræðsluskilti, byggingamál, bréf til landeigenda, mink í friðlandinu, flug í friðlandinu og stöðu verndaráætlunar.
Nánar ›Á aðalfundi Landeigendafélags Sléttu- og Grunnavíkurhrepps flutti Erling Ásgeirsson, formaður, skýrslu stjórnar LSG. Rakti hann þar starf stjórnar og Hornstrandanefndar. Skýrslan er í meginmáli þessarar fréttar.
Nánar ›Landvarsla hófst í Hornstrandafriðlandinu þann 16. júní. Enn er talsverður snjór á svæðinu og leiðir margar erfiðar og seinfarnar. Í sumum fjallaskörðum eru brattir skaflar þannig að þau eru afar erfið yfirferðar. Aðstæður útheimta því að göngufólk sé í góðu formi og kunni vel til verka.
Nánar ›Nú styttist óðfluga í að ferðasumarið hefjist fyrir alvöru í Hornstrandafriðlandinu. Nokkrir erlendir göngumenn eru þegar lagstir út og margir sumarhúsaeigendur hafa heimsótt hús sín. Ástand friðlandsins er ágætt, en talsverður snjór er þó enn til fjalla og brattir skaflar í mörgum fjallaskörðum. Í sumar verður hægt að koma skilaboðum til landvarða í gegnum Upplýsingamiðstöðina á Ísafirði sem mun koma þeim áfram með talstöðvarsambandi.
Nánar ›Þriðjudaginn 12. júní fóru Sjóferðir í árlega ferð til að koma fyrir flotbryggju á Hesteyri. Flotbryggjan auðveldar farþegum að komast frá borði og um borð í báta.
Það voru þeir Hafsteinn Ingólfsson, Hermann Siegle og Jón Björnsson sem fóru í ferðina og komu flotbryggjunni fyrir. Eftir að búið var að festa bryggjuna á sínum stað tók Hafsteinn sig til og kafaði í kringum bryggjuna. Hann athugaði festingar sem halda henni í réttri stefnu og skoðaði hvort eitthvað væri á botninum við bryggjuna sem gæti valdið skemmdum á bátum.
Skútusiglingar ehf. á Ísafirði (Borea) og eigendur Kvía í Jökulfjörðum hafa gert með sér samkomulag um að gera upp íbúðarhúsið í Kvíum. Verður boðið upp á ferðaþjónustu þar í framtíðinni þar sem hægt verður að kaupa sér m.a. gistingu. Á ferðaþjónustuhlutverkið vel við Kvíar því heimilið á Kvíum var rómað fyrir gestrisni á síðustu öld.
Nánar ›